Nëse jeni të pakënaqur me pamjen e qeskave të syve apo qepallat e rëna, atëherë ne ju rekomandojmë blefaroplastikën e cila mund të korigjojë këto probleme përgjithmonë. Ekzistojnë tre lloje ndërhyrjeje të cilat korigjojnë zona të veçanta dhe për secilën prej tyre mund të përdoren disa metoda:
- Korigjim i qepallave të sipërme: Ndërhyet përgjatë linjës natyrale të qepallës, bëhet një prerje e vogël dhe lëkura ndahet nga muskuli dhe shtresat dhjamore. Eliminohet lëkura, qeskat, dhjami i tepërt dhe, nëse është e nevojshme, rimodelohet muskuli. Më pas mbyllet prerja me fije shumë të holla.
- Korigjim i qepallave të poshtme: Prerja bëhet poshtë qerpikëve në qepallën e poshtme dhe fshihet mirë nga rrudhat e syrit që krijohen nga e qeshura. Lëkura ndahet nga muskuli dhe pjesa dhjamore dhe eliminohet lëkura e tepërt. Një pjesë e dhjamit mund të vendoset për të mbushur kanalin e thellë të lotëve. Prerja mbyllet zakonisht me fije të tretshme.
- Blefaroplastika trans-konjunktivale: Dhjami i gjendur në pjesën e poshtme të syrit, në të ashtëquajturat qeskat e syve, mund të krijohen edhe pa lëshim të tepërt të lëkurës. Në këtë rast, lëkura nuk është e nevojshme të eliminohet dhe prerja bëhet nga brenda qepallës së poshtme. Kjo teknikë shmang tërësisht shenjat e dukshme.
