Lifting i Fytyrës

Nëpërmjet kësaj procedure, muskujt dhe indet lidhës të fytyrës manipulohen për t’i dhënë asaj një pamje më të freskët e më të re. Depozitimet e dhjamit mund të ripozicionohen ose të eliminohen nëpërmjet liposucionit. Lëkura e tepërt pritet dhe hiqet për të dhënë rezultate sa më natyrale. Kirurgjia e përtëritjes së fytyrës është një operacion që kryhet në një qendër të specializuar për ndërhyrje kirurgjikale nën anestezi totale. Gjatë ndërhyrjes, kirurgu ndjek linjat natyrale të fytyrës në mënyrë që të fshehë dhe të minimizojë shfaqjen e ndonjë shenje. Procedura për lifting të fytyrës parashikon prerjen e lëkurës, duke filluar nga balli e duke zbritur në drejtim të zonës së tëmthave. Prerja vazhdon më pas duke zbritur poshtë përgjatë palës fiziologjike të lëkurës para dhe pas veshëve duke përfunduar në linjën e flokëve afër qafës. Më tej, lëkura, muskujt dhe indet lidhës modifikohen për t’i dhënë fytyrës një pamje më të freskët dhe konturë më rinore. Për të arritur rezultatet e dëshiruara, ndërhyrja kirurgjikale mund të shoqërohet edhe me ripozicionim të dhjamit ose liposucion të tij. Lëkura e tepërt pritet dhe prerja qepet me fije të holla të cilat hiqen nga mjeku pas disa ditësh ose bien vetë.

Pas operacionit

Pas ndërhyrjes kirurgjikale pacientët qëndrojnë një natë të shtruar në spital nën kujdesin e stafit mjekësor dhe kthehen në shtëpi ditën e nesërme, pra duke qëndruar në spital të paktën 24 orë pas operacionit. Periudha e shërimit është relativisht e shpejtë dhe pjesa më e madhe e pacientëve ndjehen mirë që pas dy – tre ditëve të para. Enjtjet dhe shenjat e zeza zhduken në fund të javës së parë. Aktiviteti i lodhshëm duhet evituar për rreth dy javë. Mjeku do t’ju ndjekë gjatë periudhës së shërimit dhe do t’ju rekomandojë se kur mund të rifilloni aktivitetin tuaj të plotë. Pacientët duhet të vazhdojnë takimet me stafin tonë profesionist edhe pas operacionit për të vazhduar trajtimet e lëkurës e për të mbajtur një fytyrë rinore. Këto trajtime mund të kombinohen me procedura që rrisin cilësinë e strukturës së lëkurës dhe përmirësojnë pamjen e rrudhave të holla.

Kliko mbi foto dhe shiko shembuj nga pacientet tanë:

Rezervoni një konsultë falas